خدا کی بے آواز لاٹھی

خدا کی بے آواز لاٹھی اور دو سچے واقعات
واقعہ :1
6 جولائی 2012 احمد پور شرقیہ ایک دماغی ابنارمل آدمی، غلام عباس، کو قرآن پاک کے اوراق جلانے کے جھوٹے الزام کے تحت گرفتار کر کے پولیس سٹیشن لایا گیا۔
بعد ازاں، قریبی مسجد کے مولوی صاحب نے مسجد کے لاؤڈ سپیکر سے اشتعال انگیز اعلان کیا کہ اس آدمی نے توہینِ قرآن کی ہے اور وہ حوالات میں ہے۔ اس پہ گاؤں والے مشتعل ہو کے گھروں سے نکل آئے اور گاؤں سے گزرتی مرکزی لاہور کراچی ہائی وے بلاک کر دی۔  انہوں نے حوالات کے دروازے توڑ کر اس بے گناه دماغی ابنارمل شخص کو حوالات سے نکال کے اس پر پٹرول چھڑک کر اسے آگ لگا دی۔
(یه جلتےغلام عباس کی اصل تصویر ہے ) لگ بھگ دو ہزار کا مقامی مشتعل ہجوم  وہاں کھڑا دیکھتا رہا اور جلتے ذنده انسان کو پتھر مارتے رہے جب تک کہ وہ شخص جل کے راکھ نہ ہو گیا۔
واقعہ : 2
25 جون 2017: احمد پور شرقیہ۔
اسی مرکزی لاہور کراچی ہائی وے پہ چالیس ہزار لٹر پٹرول لے کر جاتا ہوا ایک ٹرالر تیزی سے مڑنے کی کوشش میں الٹ گیا۔ لوگوں کو قریبی مسجد کے لاؤڈ سپیکر سے لیک ہوتے پٹرول کی نوید سنائی گئی اور پٹرول لوٹنے پہ اکسایا گیا۔  بچوں، عورتوں اور مردوں پہ مشتمل ایک بڑا مجمعہ بوتلیں، بالٹیاں اور گھر کے دوسرے برتن لے کے بہتا ہوا پٹرول اکٹھا کرنے کو پہنچ گیا۔ اور پھر جب کسی نے ہتھوڑے کے وار سے آئل ٹینکر کے سوراخ کو بڑا کرنے کی کوشش کی تو پٹرول نے آگ پکڑ لی۔  ٹینکر دھماکے سے پھٹ گیا اور آگ نے وہاں موجود مجمعے کو گھیر لیا۔  155 سے زائد لوگ عین اس جگہ کے قریب جل کے راکھ ہو گئے جہاں غلام عباس کو پانچ سال پہلےزنده  جلایا گیا تھا۔
اب یہ خدا ہی جانتا ہے کہ یہ غلام عباس کا بدلہ تھا یا تقدیر کا کھیل ...لیکن گزارش فقط اتنی ہے کہ کسی کا ظاہر دیکھ کر اس کی آخرت کا فیصلہ نہ کیا کریں ... ایک منٹ میں کسی کو کافر , مرتد , زانی , شرابی قرار دینے والی مسلمان قوم سے اپیل ہے کہ خدا بار بار قرآن میں کہہ رہا ہے کہ خدا بہتر انتقام لینے والا ہے ...

نوکر صحابہ دا